गायक राजु लामा र गायिका त्रिसला गुरुङको युगल स्वरमा सजिएको नयाँ गीत ‘तिम्रा पाइलाहरू’को म्युजिक भिडियो सार्वजनिक भएको छ।
भिडियो सोनाम पाख्रिनले निर्देशन गरेका हुन्। लेखु सहयात्रीको शब्द अनि संगीतमा तयार भएको सार्वजनिक गीत सहयात्रीले चलचित्रका लागि तयार परेका थिए। चलचित्रका लागि बनाइदिनु पर्यो भन्नेले वास्ता नगरेपछि निर्देशक सोनाम पाख्रिनले यो गीत सुने र तुरुन्तै भिडियो बनाउन तयार भएका थिए।
सोनामले भिडियोमा ध्रुव जिसी र नीति शाहलाई फिचर्ड गरेका छन्। ध्रुवको यो दोस्रो म्युजिक भिडियो हो भने नीतिले यो भिडियोलाई आफ्नो पहिलो म्युजिक भिडियो भन्न रुचाइन। यस अघि सानो तिनो रोलमा म्युजिक भिडियोमा देखिएकी नीति फुलफेजमा भने पहिलो पटक तिम्रा पाइलाहरूमा देखिएकी हुन्।
भिडियोमा ध्रुव र नीतिको केमेस्ट्री सुहाएको छ। उत्सव दाहाले छाँयाकन गरेको भिडियोमा कविराज गहतराजको कोरियोग्राफी रहेको छ। मेलोडी नेपाल युट्युब च्यानल मार्फत सार्वजनिक भएको भिडियोका सम्पादक विकास दाहाल हुन्।
