गायिका स्मिता दाहालले लगनगाँठो कसेकी छन् । शुक्रबार काठमाडौंको मूलपानीस्थित नर्लिङ रिसोर्टमा स्मिताले प्रेमी सायुज्य श्रेष्ठसँग विवाह गरेकी हुन् ।
उनीहरुको अहिले पारिवारिक माहोलमा विवाह समारोह भएको हो । समारोहमा केही राजनीतिज्ञ र कलाकारहरू समेत पुगेका थिए ।
स्मिताको वैवाहिक समारोहमा नेपाली चलचित्र क्षेत्रका चर्चित कलाकारहरु हरिवंश आचार्य, किरण केसी, शिव श्रेष्ठ, जितु नेपाल, केदार घिमिरेलगायत पुगेका थिए ।
स्मिता र सायुज्यले केही साता अगाडि इन्गेजमेन्ट गरेका थिए।
स्मिता पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’की नातिनी हुन् । स्मिताले ‘मायालु तिमी कता छौ’, ‘कल्लाइ था छैन’ जस्ता चर्चित गीत गाएकी छिन् ।
