अभिनेता राजेश हमालको कमब्याक चलचित्र ‘नरसिंहाः अवतार’को प्रदर्शन मिति तय गरिएको छ । यो सिनेमालाई चैत्रको २९ गतेबाट रिलिजमा आउने घोषणा यसको निर्माणपक्षले गरेको हो ।
वितरण कम्पनी र निर्माताविच सल्लाहा गरेर नयाँ बर्षको छेको पारेर यो सिनेमा चैत्र २९ बाट रिलिजमा आउन लागेको हो । दिवाकर भट्टराइको लेखन तथा निर्देशनमा तयार भएको यो चलचित्रबाट नायक राजेश हमाल फिल्म क्षेत्रमा कमब्याक गर्दैछन् । यसैले, पनि यो फिल्म घोषणा भएसँगै प्रतिक्षामा छ ।
चलचित्र ‘नरसिंहाः अवतार’मा राजेश हमालको साथमा राज कटुवाल, नीति शाह, सनिषा भट्टराई, प्रशान्त ताम्राकार, नीर शाह, सरोज खनाल, राजीव मानन्धर, सुशान्त श्रेष्ठ, उषा खड्गी, राजीव जंग बस्नेत, प्रकाश कुँवर, अमित गिरी, रमेश सोडारी, सरोज शाह, अमित श्रेष्ठ लगायतका कलाकारहरुको अभिनय छ ।
‘नरसिंहाः अवतार’मा नेम महर्जन, दीपक शर्मा ढकाल, धु्रव न्यौपाने र नरेन्द्र महर्जनको लगानी छ । चलचित्रलाई एप्पल इन्टरटेन्मेन्ट, रिच इन्टरटेन्मेन्ट र एफडी कम्पनीले देशभरका हलमा वितरण गर्दैछन् ।
