गायिका एलिना चौहानले सम्बन्धविच्छेदका लागि मुद्दा दायर गरेकी छन् ।
बिहे गरेकाे १ वर्ष नपुग्दै एलिनाले श्रीमान् विष्णु सापकोटासँग शुक्रबार काठमाडौं जिल्ला अदालतमा मुद्दा दायर गराएकी हुन् ।
गत ५ वैशाखमा अस्ट्रेलिया बस्ने विष्णु सापकोटासँग बिहे गरेकी उनले शुक्रबार वारेसमार्फत जिल्ला अदालत काठमाडौँमा मुद्दा दायर गरेकी छन्।
चौहानले सम्बन्धविच्छेदको मुद्दामा सापकोटाले आफ्नाे चरित्रमाथि धेरै शङ्का गरेको, काममा बाधा दिएको र शङ्का गरेको आरोप लगाएकी छन्।
मानाचामल नलिने गरी मुद्दा दायर गरेकी उनले बिहे गर्दाका गरगहना भने फिर्ता नगर्ने बताएकी छन्।
सापकोटा र चौहानबीच लामो प्रेम सम्बन्धपछि बिहे भएको थियो।
