निर्देशक मुकुन्द भट्टले चलचित्र ‘चोर पुलिसः टम एन्ड जेरी’को घोषणा गरेका छन् ।
यसअघि फिल्म ‘एक्स ९’ निर्देशन गर्ने घोषणा गरेका निर्देशक भट्टले सौगात मल्ल, अर्पण थापा, पुष्प खड्का र अनुप विक्रम शाहीलाई लिएर ‘चोर पुलिसः टम एन्ड जेरी’को घोषणा गरेका हुन् ।
म्याक मिडिया एन्ड सर्भिसेस प्रालिको ब्यानरमा निर्माण हुने यो चलचित्र कमेडी जनराको हुने मुकुन्दको भनाई छ ।
सुदिप चन्द्र बख्रेलको निर्माणमा तयार हुने चलचित्रमा मुकुन्द भट्ट, नरेशनाथ योगी र सुमन सुनारको लगानी रहनेछ । पुरुषोत्तम प्रधानको छायांकन रहने चलचित्रमा दीपक आरजे र राजु भट्टको संगीत, समिर खरेल र सुमन ढकाल कार्यकारी निर्माता छन् ।
यो चलचित्रमा सौगात मल्ल, अर्पण थापा, शक्ति श्रेष्ठ, पुष्प खड्का, अनुप विक्रम शाही, कामेश्वर चौरासिया, सुपर गुरुङ, प्रमिला उप्रेति, इन्द्रप्रसाद खरेलको मुख्य भूमिका रहनेछ ।
चलचित्रका लागि नायिकाको छनोट हुन बाँकी छ । चलचित्रको छायांकन अमेरिका, क्यानडा, अष्ट्रेलिया र नेपालमा हुनेछ ।
